Боздид аз осорхонаи миллии бостонии Тољикистон

Миллати тољик аз умќи таърих то ба њол дорои фарњанги пурѓановат ва оламшумул буда, бо ин соњибтамаддунии худ имрўз дар сатњи байналмилалї пазируфта шудааст. Гиромидошти арзишҳои таърихиву фарњангї, ки хоси миллати тољик мебошанд, вазифаи муќаддаси њар як шањрванд ба њисоб рафта, дар меъёрњои Конститутсияи ЉТ инъикоси худро пайдо намудаанд. Дар моддаи 44 Конститутсияи ЉТ пешбинї гардидааст, ки њифзи ёдгориҳои таърихиву фарҳангї вазифаи ҳар як шахс ба њисоб меравад. Аз ин рў, огоњии насли љавон, хусусан донишљўён аз таърихи гузаштаи миллати соњибтамаддуни худ, њисси миллї, хештаншиносї ва ватандўстии онњоро баланд бардошта, ифтихор аз арзишњои беназари таърихи миллати тољикро дар ботини онњо дучанд мегардонад.

Маҳз бо дарназардошти арҷгузорӣ ба арзишњои таърихї ва фарњангии миллати тоҷик садорати факултети ҳуқуқшиносии ДМТ ташаббус гирифтааст то донишҷўёнро бо ганљинаи бузурги таърихи гузаштаи миллат, ки дар осорорхонањои миллии кишвари азизамон – Тољикистони соњибистиќлол љойгир шудаанд, ошно созад. Бо ин назардошт, санаи 1 декабри соли 2021 донишҷўёни соли 4-уми ихтисоси муносибатҳои байналмилалӣ (ҳуқуқ) аз Осорхонаи миллии бостонии Тоҷикистон боздид ба амал оварданд.

Њангоми боздид аз Осорхонаи миллии бостонии Тоҷикистон маълум гардид, ки ин фарњангистони љавњари таърихи миллат соли 2001 аз љониби Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба муносибати 10-солагии Истиќлолияти давлатии Љумњурии Тољикистон дар назди Институти таърих, бостоншиносӣ ва мардумшиносии ба номи А. Дониши Академияи миллии илмҳои ЉТ ифтитоҳ гардидааст.  Ҳамзамон, маълум гардид, ки дар замони Истиқлолияти давлатӣ бо ибтикори бевоситаи Пешвои миллат ба осорхонаи мазкур асарҳои нодиру гаронбањо, ки инъикоскунандаи таърихи оламгири миллати тољик ба њисоб рафта, дар як давраи муайяни таърихї дар њоли нестшавї ќарор доштанд аз гўшаҳои гуногуни кишвар ва берун аз он гирдоварӣ карда шудаанд.

Мањз бо ташаббуси хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бузургтарин арзишњои таърихии миллати тољик, аз љумла ёдгории Саразм соли 2010 ба рӯйхати «Мероси умумиҷаҳонӣ»-и ЮНЕСКО  ворид гардидааст ва кашфиётњои нодири таърихї аз ин макони сароѓози таърих пайдогардида дар Осорхонаи миллии бостонии Тоҷикистон нигањдорї мешаванд.

Дар баробари эњёи арзишњои таърихии миллати тољик наќши  Пешвои миллат дар нигањдошти мероси таърихи умумиљањонї беназир њисобида мешавад. Њангоми боздиди донишљўён аз Осорхонаи миллии бостонии Тоҷикистон онњо бо нодиртарин муљассамаи таърихи инсоният – «Буддо дар ҳолати нирвана», ки тақрибан  13 метр андоза дошта,  аз гил  сохта шудаааст, вохўрданд. Њангоми муаррифии муљассамаи «Буддо дар ҳолати нирвана» роњбалади осорхона ќайд намуд, ки аз ин макон сайёњон аз Чин, Корея, Љопон ва дигар кишварњои хориљї бештар дидан мекунанд. Дар як маврид, ќайд намудан мумкин аст, ки шањрвандони баъзе аз кишварњои љањон, ки эътиќод ба дини буддої доранд, барои анљом додани расму оинњои динї ба ин макон меоянд. Аз ин рў, нигањдошт ва њифзи кашфиётњои нодири ин осорхона на танњо барои миллати тољик ва мардуми Тољикистон балки барои мардумони кишварњои хориљї низ зарурият дорад.

Зикр кардан ба маврид аст, ки давлату Ҳукумати кишвар ҳамеша дар талоши он аст, ки ёдгорињои таърихиву фарњангї, ки гузаштаи таърихи миллати тољикро дар худ инъикос менамоянд дар вуҷуди насли наврас ҳисси ватандўстӣ ва худшиносиро бедор намуда, онҳоро барои бунёди давлатдории миллӣ омода месозад.

Дар умум, намоишгоҳҳои осорхонаро маҷмӯи бозёфтҳои намоишии он, ки беш аз панҷ ҳазор номгӯйро ташкил медињанд, дар бар мегирад.

Пас аз боздиди Осорхонаи миллии бостонии Тоҷикистон донишҷўён таассуроти нек бардошта,  бо як ҷаҳон болидарўҳӣ њиссиёти худро дар мавриди зарурияти њифзу нигањдошти арзишњои таърихиву фарњангї ба ҳам иброз менамуданд.

Хурсандибахш аст, ки насли љавони ин Ватан дар симои Пешвои миллат посдори таърихи бебањои дирўзу имрўз ва ояндаи дурахшони миллати тољик ва мардуми Тољикистонро мебинанд.

Садорати факултети ҳуқуқшиносӣ тасмим гирифтааст, ки минбаъд донишҷўёни дигари гурўҳҳои академиро барои боздид аз Осорхонаи миллӣ ва маконњои таърихии миллати тоҷик сафарбар намояд.