ОЛИМИ ПУРКОР ВА УСТОДИ НАКУКОР

     Дар баробари рушду пешрафти њама гуна илму маърифат дар замони соњибистиќлолї илмњои њуќуќшиносї рушду нуму кард. Бе шак рушду нумуи илми њуќуќшиносї, пеш аз њама, мадюни донишмандону њуќуќшиносони тољикест, ки бо њама нишебу фарозњои оѓози истиќлол такя бо роњнамоињову њидоятњои Асосгузори сулњу Вањдати миллї, Пешвои миллат, Президенти Љумњурии Тољикистон, муњтарам Эмомалї Рањмон тавонистанд илмњои њуќуќшиносиро дар маснади баланде љойгузин намоянду бо дастовардњои муосиру арзишњои миллї ороста созанд. Воќеан, донишмандони њуќуќшинос занљирае байни љомеа ва маќоми ќонунгузорї мањсуб мешаванд, чун онњо ќонуниятњои объективии љомеаро тањќиќу ошкор карда, ба ќонунгузор бањри танзими њаматарафа ва самаранок пешкаш менамоянд.

       Бояд ёдовар шуд, ки мањз дар замони соњибистќлолї тадриси њуќуќи љиноятї дар ДМТ ба роњ монда шуд ва дар ин љо месазад, пеш аз њама, хидматњои яке аз асосгузорони илми њуќуќи љиноятї дар љумњурї доктори илми њуќуќ, профессор Шарипов Таќдиршоњ Шарифовичро, ки имсол дар 60-умин бањори умри худ ќадам мегузорад,  ёдовар шуд. 

       Профессор Шарипов Таќдиршоњ Шарифович  14 ноябри соли 1956 дар ноњияи Љайњун (собиќ Ќумсангир)-и вилояти Хатлон ба дунё омада, пас аз хатми мактаби миёна ба хидмати аскарї даъват шудааст ва солњои 1975- 1978 дар њайати ќуввањои мусаллањи ИЉШС барои њифзи Модар-Ватан хидмат кардааст. 

      Соли  1980 ба факултети  њуќуќшиносии  ДДТ ба номи В.И. Ленин (њоло ДМТ) дохил шуда, соли 1985 онро бомуваффаќият хатм намудаст. Бо назардошти доштани дониши воло ва малакаву истеъдоди баланди соња Шарипов Т. бо ќарори Комиссиия таќсимоти мутахассисон дар кафедраи њуќуќи љиноятї ба њайси ассистент ба кор ќабул гардидааст.  Ба ин тартиб солњои  1989 -1992 нахуст ба њайси коромўз, баъдан ба сифати аспиранти шуъбаи рўзонаи кафедраи њуќуќи љиноятии ДДМ ба номи М.В. Ломоносов фаълоият намудааст.

      Бо ифтихор метавон ёдовар шуд, ки Шарипов Т.Ш. аз аввалин шахсиятњое мебошанд, ки 25 декабри соли 1992 рисолаи номзадии худро пеш аз муњлат дар мавзўи «Шартан мањкумкунї», зери роњбарии доктори илми њуќуќ, профессор Ю.М. Ткачевский дар Донишгоњи давлатии Москва ба номи М.В. Ломоносов њимоя намуд. Натиљањои тањќиќоти Шарипов Таќдиршоњ дар Кодекси модели љиноятии Давлатњои муштаракулманофеъ ва дар аввалин Кодекси љиноятии Тољикистон  соли 1998 ба таври густарда истифода шудааст. Бо иштироки бевоситаи ин олими шинохта ќонунгузории љиноятии ватанї бо назардошти талаботи рўзмарраи љомеа давра ба давра такмил ёфта, имрўз дар мубориза бар зидди љинояткорї ба таври самаранок истифода  мегардад.

Устод Шарипов Т. солњои 1994 - 1995 ба њайси аъзои гурўњи корї љињати омода намудани Кодекси Моделии љиноятии кишварњои ИДМ фаъолият намуда, њамзамон яке аз фароњамсозони Кодекси љиноятии Тољикистон соли 1998 ба шумор меравад. Мањз њамин хидматњои Шарипов Т. буд, ки аз 4 сентябри соли 1998 бо Фармони Президенти Тољикистон бо унвони «Њуќуќшиноси шоистаи Љумхурии  Тољикистон» гардонида шуданд.

       Профессор Шарипов Т.Ш. тањќиќоти худро дар самти шартан озод намудан аз љавобгарии љиноятї давом дода, 11 ноябри соли  соли 2008 дар Донишгоњи давлатии Москва рисолаи доктории худро дар мавзўи «Шартан озод намудан аз адои љазо: масоили назариявї, ќонунгузорї ва амалия (аз рўйи маводњои Љумњурии Тољикистон)» њимоя карда, натиљањои ин тањќиќот дар такмили институти озод намудан аз адои љазо, амалияи њуќуќтатбиќкунї ва омода намудани мутахассисони њуќуќшинос ба таври васеъ истифода мегардад.

      18 августи соли 2011 бошад, бо Фармони Президенти Љумњурии Тољикистон  соњиби унвони «Арбоби шоистаи илм ва техникаи Љумњурии Тољикистон» гардидаанд. Профессор Т.Ш. Шарипов аз соли 1995 узви гурӯҳи кории назди Президенти ҶТ оид ба таҳияи лоиҳаи Кодекси љиноятии Љумҳурии Тоҷикистон аз рӯи лоиҳаи санадҳои қонунгузорӣ, узви Шӯрои илмию машваратии назди Суди Олии ЉТ мебошанд. Њамзамон, профессор Т.Ш. Шарипов дар баробари узви Комиссияи доимоамалкунандаи такмили ќонунгузории љиноятї ва тадрису тайёр намудани васоити таълимї ба забони давлатї боз соњибмактаб  њастанд. Мактаби илмии устод дар давраи истиќлолият аз пурмаҳсултарин мактабҳои илмӣ дар соҳаи ҳуқуқи љиноятии ватанї ба шумор меравад.

      Осори илмию таълимӣ, методиву тадқиқотии профессор Т. Шарипов аз 250 номгӯ бештараст. Устод муаллифи китобњои дарсї аз фанни њуќуќи љиноятї, њуќуќи иљрои љазои љиноятї ба забони давлатї мебошад. 

     Дар баробари тадрису фаъолиятњои њуќуќшиносї профессор Шарипов Таќдиршоњ дар тарбия ва омода намудани номзадњову докторони илм  наќши муассир доранд. Чунончи бо дастгирї ва роњбарии ин олими шинохта 8 нафар  дар шањрњои гуногуни Федератсияи Руссия рисолањои номзадї њимоя намуданд.

     14 ноябри соли љорї профессор Т.Ш. Шарипов ба синни мубораки 60 ќадам мегузорад. Ањли садорат, кафедраи њуќуќи љиноятї ва кулли устодону шогирдони факултети њуќуќшиносї профессор Шарипов Таќдиршоњ Шариповро ба муносибати ин љашни муборак табрику тањният гуфта, ба эшон саломатї, офияти рўзгор ва комёбињои нав ба навро орзуманданд.