Танзими њуќуќии соњибкорї дар Љумњурии Тољикистон: мушкилот ва дурнамо

    Бо њамин ном нимаи аввали рўзи 13.10.2017 сол дар факултети њуќуќшиносии ДМТ бахшида ба Рўзи соњибкорон семинари илмї – назариявии љумњуриявї бо иштироки доираи васеи омўзгорону аспирантон, олимон ва намояндагони васоити ахбори омма баргузор гардид.

     Семинарро бо сухани ифтитоњї декани факултети њуќуќшиносї номзади илмњои њуќуќ, дотсент Рањмон Д.С. њусни оѓоз бахшида, ба њозирин дар хусуси зарурат ва ањамияти баргузории семинари илмї – назариявї гузориш доданд. Номбурда дар оѓози сухан иброз намуданд, ки дар асоси Ќонуни ЉТ «Дар бораи рўзҳои ид» санаи 14-уми  октябр дар кишвар њамчун Рўзи соҳибкорон љашн гирифта мешавад. Аз ин рў, Њукумати мамлакат њамасола тамоми тадбирњоро барои дар сатњи баланд таљлил намудани ин љашн  ва њамзамон аз байн бурдани монеањои рушди  соњибкорї андешида истодааст. Дар пайвандї ба ин масъала, Асосгузори сулњу вањдати миллї-Пешвои миллат, Президенти Љумњурии Тољикистон муњтарам Эмомалї Рањмон дар Форуми байналмилалии сармоягузорї таҳти унвони «Сањми соҳибкорї ва сармоягузорї дар рушди устувор» соли 2015 бамаврид таъкид намуда буданд, ки фаъолияти  соҳибкорї ва сармоягузорї дар беҳтар намудани сатҳу сифати зиндагии аҳолї тавассути таъмини рушди устувори иқтисодї, шуғли аҳолї ва истеҳсолоти  ватанї  муҳим арзёбї мегардад. Ҳамзамон бо ин, соҳибкорї ба навовариҳои илму техника, тағйироти талабот ва вазъи бозори љаҳониву минтақавї ба зудї мутобиқ шуда, дар ин замина, ба роҳ мондани истеҳсоли маҳсулоти  рақобатпазирро таъмин менамояд. Бо дарки амиқи ҳамаи ин омилҳо Ҳукумати Тољикистон рушди соҳибкорї ва сармоягузориро яке аз самтҳои афзалиятноки сиёсати иқтисодии худ эълон намудааст. Дар чанд соли охир дар соҳаи пешбурди соҳибкорї ва љалби сармоя як силсила ислоҳот, ки ба беҳтар намудани фазои сармоягузорї,  кам кардани монеаҳои маъмурї ва дахолати давлат ба фаъолияти хољагидории субъектҳои соҳибкорї равона гардидаанд, анљом дода шуд. Барои ба талаботи меъёрҳои байналмилалї мутобиқ гардонидани фазои сармоягузорї, рушди бахши хусусиву соҳибкорї ва ҳамгирої бо иқтисоди љаҳонї, ки аз ҳадафҳои муҳимми Ҳукумати Тољикистон ба шумор меравад, чораҳои љиддї андешида шуда, дар кишвар шароити озоди рақобат фароҳам оварда шудааст ва аз лиҳози ҳимояи ҳуқуқї байни шахсони ҳуқуқиву воқеии дохилї ва хориљї ягон фарқияти љиддї вуљуд надорад.

    Дар идомаи суханронии хеш декани факултети њуќуќшиносї, номзади илмњои њуќуќ, дотсент Рањмон Д.С. изњор доштанд, ки барои омода намудани мутахассисони баландихтисос ва љавобгў ба талаботи бозори мењнат дар назди кафедраи њуќуќи соњибкорї ва тиљорат ихтисоси танзими њуќуќии молия ва ќарз таъсис дода шудааст, ки давоми шаш сол аст фаъолият мекунад ва мутахассисони њуќуќшиносро бо доштани донишњои иќтисодї омода менамояд. Инчунин аз љониби устодони кафедраи мазкур ба якќатор ќонунњои кишвар, ки муносибатњои соњаи соњибкориро танзим мекунанд тафсирњо омода шудаанд, ки барои рушди соњаи соњибкорї мусоидат менамоянд.

    Сипас, аз рўйи барнома маърўзањои омўзгорони кафедари њуќуќи соњибкорї ва тиљорати факултети њуќуќшиносии Донишгоњи миллии Тољикистон Шарифов И.М. дар мавзўи «Мушкилот ва дурнамои соњибкории хурд дар Љумњурии Тољикистон»; Сангов С.И. дар мавзўи «Танзими њуќуќии соњибкории экологї чун самти рушди бизнеси муосир»; Каримов Х.С. дар мавзўи «Љанбањои њуќуќии мафњум ва моњияти соњибкории инноватсионї»; Шабонов Ш.С.  дар мавзўи «Соњибкории виртуалї: љанбањои њуќуќии батанзимдарорї»;  Акобирзода Н.М. дар мавзўи «Масълањои њуќуќии танзими зиддиинњисорї дар бозори хизматрасонии бонкї» шунида шуд.

    Баромадкунандагон мазмуну моњияти маърўзањои хешро шарњ дода, дар хусуси мушкилоти танзими њуќуќии соњибкории хурд, соњибкории экологї, соњибкории инноватсионї, соњибкории виртуалї, танзими зиддиинњисорї дар бозори хизматрасонии бонкї ва зарурати такмили ќонунгузорї бо назардошти пешнињодњои худ ба њозирин гузориши муфассал доданд.

    Оид ба маърўзањои ќироатшуда саволу љавоб ва музокирањо сурат гирифтанд. Аз љумла, дар робита ба масъалањои баррасишуда иштирокчиёни семинар профессорон Ѓафуров А.Д., Ѓаюров Ш.К., дотсентон Сангинов Д.Ш., Бобокалонов Ѓ.М., Сафарзода А.И., Мањмудов И.Т., Кабутов Э.Д., Мирзоев П.З., Ќурбонов Ќ.Б. ва дигарон баромад намуда, таклифу андешањои судманди худро барои бартараф намудани мушкилоти танзими њуќуќии соњибкорї дар Љумњурии Тољикистон пешнињод намуданд.  

    Дар робита ба таљлили љашни Рўзи соњибкорон, садорати факултети њуќуќшиносии Донишгоњи миллии Тољикистон кулли устодон, кормандон ва донишљўёни Донишгоњ ва соњибкорони кишварро самимона табрику тањният гуфта, ба онњо саломативу сарабаландї, пешрафту комёбињоро таманно менамоянд.