Дар факултети њуќуќшиносии ДМТ бахшида ба 22-юмин солгарди рўзи Вањдати миллї конференсияи илмї-амалї баргузор гардид!

Нимаи аввали рўзи 25 июни соли 2019 дар факултети њуќуќшиносии Донишгоњи миллии Тољикистон бахшида ба 22-юмин солгарди  љашни Рўзи Вањдати миллї ва 80-умин солгарди Њуќуќшиноси шоистаи Тољикистон, номзади илмњои њуќуќшиносї, дотсенти кафедраи њуќуќи судї ва назорати прокурории донишгоњ Абдуллоев Неъмат  конференсияи илмї-амалї дар мавзўи «Рушди падидањои адолати судї ва назорати прокурорї дар солњои Истиќлолияти давлатї дар Љумњурии Тољикистон» баргузор гардид.

Дар кори он роњбарияти Донишгоњи миллии Тољикистон ва факултети њуќуќшиносї, устодону кормандони факултет, олимон, намояндагони маќомоти њокимияти давлатї, вакилони мардумї, судяњо, прокурорњо, адвокатњо ва дигар кормандони маќомоти њифзи њуќуќ, аспирантону унвонљўён,  намояндагони нињодњои љомеаи шањрвандї ва васоити ахбори омма иштирок доштанд.  

Зимни ифтитоњи кори конференсия ректори ДМТ, Академики Академияи илмњои Љумњурии Тољикистон, доктори илмњои филологї, профессор Имомзода М.С. ба  муњиммият ва ањамияти мавзўи њаммоиши илмї ишора намуда, иброз намуданд, ки Вањдати миллї аз арзишмандтарин ва бузургтарин дастоварди даврони Истиќлолияти давлатии кишварамон  ба њисоб рафта, такя бо хиради азалии мардуми тамаддунофар ва фарњангсолори тољик дар асоси зањмату талошњо ва ташаббусњои бевоситаи фарзанди фарзонаи миллати тољик, Асосгузори сулњу Вањдати миллї – Пешвои миллат, Президенти Љумњурии Тољикиистон, муњтарам Эмомалї Рањмон ба даст омадааст. Њамзамон дар идомаи суханронии хеш мавсуф афзуданд, ки мањз бо  Шарофати Истиќлолияти давлатї ва ба имзо расидани созишномаи умумии сулњ ва ризоияти миллї 27-июни соли 1997 дар шањри Москави Федератсияи Россия дар тамоми соњањои афзалиятноки њаёти сиёсї, иќтисодиву- иљтимої ва фарњангии  Ватани мањбубамон дигаргунињои куллї ба вуќуъ пайваста, заминањои боэътимоди њуќуќї-ташкилии рушди давлатдории миллї фароњам оварда шуданд. Боиси ифтихор аст, ки имрўзњо Тољикистон дар арсаи байналмилалї ба њайси як кишвари ташаббускори њалли муњимтарин масъалањои глобалї эътироф шудааст, ки дар ин љода хизматњои арзишманди Пешвои муаззами миллат, муњтарам Эмомалї Рањмон  беназиранд.

Њамзамон ректор Имомзода М.С. собиќадори донишгоњ, Њуќуќшиноси шоистаи Тољикистон, дотсент Неъмат Абдуллоевро, ки 80-умин солгарди бањори умр ва 53-солагии фаъолияти бенуќсону ибратбахши омўзгориашон  дар арафи таљлили Рўзи вањдати миллї рост омадааст,  аз номи Раёсати ДМТ самимона табрик гуфта, хизматњои анљомдодаи устод Неъмат Абдуллоевро дар љодаи омода кардани мутахассисони лаёќатманд, таълиму тарбияи шогирдон, анљом додани корњои арзишманди илмї-тањќиќотї дар Донишгоњ баланд арзёбї карданд ва  ба ў тансињативу комёбињои нави эљодиро таманно карданд.

Декани факултети њуќуќшиносии ДМТ, номзади илмњои њуќуќшиносї, дотсент Рањмон Д.С. зимни ироаи сухани ифтитоњї нахуст њузури мубораки мењмонон ва ањли нишастро хайру маќдам гуфта, ба роњбарияти Донишгоњ барои дастгирї ва мусоидат дар кори баргузори конференсияи илмї изњор сипос карданд. Мавсуф афзуданд, ки баргузории ин ќабил њаммоиши илмї бо дастгирї аз сиёсати хирадмандона ва вањдатофарини Асосгузори сулњу вањдати миллї - Пешвои миллат, Президенти Љумњурии Тољикистон, муњтарам Эмомалї Рањмон асос ёфта, ба хотири тањкими заминањои вањдат ва ризоияти миллї дар љомеа, пос доштани арзиш ва дастовардњои Истиќлолияти давлатї  роњандозї мешавад. Номбурда аз хизматњои шоён ва фаъолияти илмию педагогии  устод Абдуллоев Неъмат дар факултети њуќуќшиносї ёддовар шуда, сањми ўро дар рушди кафедраи њуќуќи судї ва назорати прокурорї, тарбияи мутахассисони асил махсус ќайд  карда, барњаќ ўро аз саромадони илми њуќуќи мурофиаи љинояти дар Тољикистон унвон карданд. Изњори умед карданд, ки кори конференсияи илмї-амалї аз њар љињат манфиатбор буда, натиљањои он барои пешрафти њаёти њуќуќии љомеа ва таъмини зиндагонии шоистаи мардуми Тољикистон арзишманд  хоњанд буд.

Сипас бо суханони ифтитоњї вакили Маљлиси намояндагони Маљлиси Олии Љумњурии Тољикистон, доктори илмњои њуќуќшиносї  Сафарзода Б.А., намояндагони Суди Олї, Суди Олии иќтисодї, Прокуратураи генералї, Вазорати корњои дохилї, Вазорати адлия, Иттифоќи адвокатњо, Иттифоќи касабаи кормандони Вазорати маориф ва илми Љумњурии Тољикистон, ректори Донишкадаи давлатии идоракунии назди Президенти Љумњурии Тољикистон баромад намуда, таъкид доштанд,  ки давоми солњои истиќлолияти давлатї Донишгоњи миллї ва хусусан факултети њуќуќшиносї  ба як маркази асосии баргузории њаммоиш ва чорабинињои илмии сатњи баланд табдил ёфтааст. Онњо ањли нишастро ба ифтихори таљлили рўзи Вањдати миллї самимона шодбош гуфта,  ањамияти таърихии ин љашни муњими давлатиро дар сарљамъии миллати тољик, аз парокандагї рањо бахшидани миллат ва аз вартаи њалокат наљот додани давлатро махсус таъкид намуда, ба њозирин тансињатї, рўзгори босаодат ва хушњоливу хушрузиро таманно намуданд.  Дар идомаи суханронињои хеш таъкид доштанд, ки дар Љумњурии Тољикистон барои рушду таќвияти њокимияти судї ва фаъолияти маќомоти прокуратура аз љониби Роњбарияти давлат ва Њукумати кишвар  тадбирњои зиёде анљом дода шуда, як силсила санадњои меъёрї-њуќуќї ќабул карда шуданд. Дар шароити бунёди давлати демократї ва њуќуќбунёд дар Тољикистон сањми маќомоти судї ва прокуратураро дар таъмини адолати иљтимої, ќонуният, волоияти ќонун ва тартиботи њуќуќї,  риоя ва њифзи њуќуќу озодињои инсон ва шањрванд  муассир эътироф намуданд. 

Сипас аз рўйи барномаи кории конференсия масъулон оид ба пањлуњои гуногуни падидањои Вањдаи миллї, адолати судї ва назорати прокурорї дар замони соњибихтиёри давлатї маърўзањо ќироат карданд.

Дар музокира табодули афкори судманд миёни маърўзачиён ва ањли нишаст доир гашта, дар фарљоми кори конференсия ќатънома ќабул гардид.