Имрӯз, 1 апрели соли 2025, дар толори таълими судии факултети ҳуқуқшиносии Донишгоҳи миллии Тоҷикистон бо иштироки донишҷӯёни соли дуюми ихтисоси «Муносибатҳои байналхалқӣ» (гурӯҳи англисӣ) дарси интерактивӣ баргузор гардид.
Муаллими калони кафедраи ҳуқуқи конститутсионӣ ва маъмурии факултет Муродзода У.У. аз фанни «Ҳуқуқи конститутсионии мамлакатҳои хориҷӣ» дар мавзуи «Таҳлили муқоисавии ҳуқуқии қонунгузории Ҷумҳурии Тоҷикистон ва Ҷумҳурии Ҳиндустон» дарс гузаронид.
Дар рафти дарс донишҷӯён бо маърӯзаҳои пурмазмун баромад намуда, аз тахтаҳои электронӣ самаранок истифода бурданд. Формати интерактивии дарс ба донишҷӯён имкони таҳлил, муқоиса ва баррасии таҷрибаи қонунгузории ду кишварро фароҳам овард ва барои онҳо манфиати назаррас дошт.